10 April 2015

10/04/2015 ΒΙΝΤΕΟ ΤΗΣ ΗΜΕΡΑΣ - ΑΦΙΕΡΩΜΑ ΣΤΟΝ ΓΩΓΟ



ΑΦΙΕΡΩΜΑ ΣΤΟΝ ΓΩΓΟ ΠΕΤΡΙΔΗ
Στίχοι - Τραγόυδι - Χρύσανθος Θεοδωρίδης
Λύρα - Κωστάκης Πετρίδης
από το δίσκο  "Στον Ορφέα της Λύρας Γώγο"
ηχογράφηση 1989


Θεέ μ΄τρανόν το θέλημα ς’ καλλίον ΄συ εξέρτς - ι
Χαϊν’ άγγελον έστειλες τον Γώγον ‘συ να παίρτς - ι


Γώγον, ο Θεόν έκοψεν τη ζωής -ις το ράμμαν
Με ντο καρδίαν ο Άδης θ’ ανοί ‘σ’ εσέν την πόρταν.


Είχες μουράτια απλέρωτα Γώγο ‘συ σ’ σην ζωής - ι
Παίξον λύραν τον Χάρονταν παιρ’ και κλώσκεσαι ωπίς -ι


Επαίρεν ο Θεόν την ψή ς’ , τη ζης κώπεν το ράμμαν
Γώγο, Μεγάλ Παρασκευήν, με τον Χριστόν εντάμαν


Πέγ’ναν ‘σον Επιτάφιον, εκράτ’ ναν την λαμπάδαν
Γώγο, κλαίει ‘σε η Καλαμαριά και όλεν η Ελλάδαν


Είπανε ουλ οι Πόντιοι εϊ - βαχ με τ’ έναν στόμαν
Λαφρύν ας εν ντο θα σκεπάζ, Γώγο, εσέν το χώμαν


Την λύραν όντες έπαιζες φώταζεν κι η σκοτίαν
Γώγο, τ’ εσόν το όνομαν θα μεν΄σ΄σην ιστορίαν


Παίξον Γώγο την κεμεντζέν σίτια θα πας σ’ σον Άδην
Λυριτζήδες θ’ ευρίκς πολλούς, ίλιαμ τον κύρτς τον Σταύρην


Θ’ ευρίκς Σαββέλην και Δήμον, Κωστίκαν Τσακαλίδην
Θ’ ευρίκς τον Χρήστον τον Αϊβάζ, τον Μήτιαν τον Ταυρίδην


Ίλιαμ ο Παύλον ο Καρσλής, Πάντσον ο Κοιλαδέτες
Αποστολίκας, Μπαϊρακτάρτς, κι ο Τσορτάνς ο Σαντέτες


Τσατίν έταν ντο έσυρες, Γώγον, εσύ τα πόνια
Πάλεψες με τον Χάρονταν εσύ δυο ιμς΄χρόνια


‘Κείνος εκράτνεν το καγάν και εσύ το τοξάρι ς’
‘Κι επαραδώθες εύκολα, έδειξες τ’ εχτυπάρη ς’


Εκ’ αυκά αναμέν’ ν’ ακούν τ’ εσά τα τοξαρέας
Πατριάρχης έσ’νε σ’ σήν λύραν, σον Άδην βασιλέας


Εσύ έσ’νε αργυροτόξαρος με χρύσα δαχτυλέας
Εσύ θα είσαι αιώνια τη λύρας ο Ορφέας


Post a Comment